'ஏடிஎம்மும் பிராட்கேஜ்ஜீம்' - 2 (NATIVE UPDATES)

நான் படித்த பள்ளியில் ஆசிரியர்களில் சில பேரைத் தவிர வகுப்பறை கட்டிடங்கள் அனைத்துமே புதுசு.படிக்கும்போதெல்லாம் எப்படா வீட்டுக்கு போவோம் என்றிருக்கும் இப்போ இன்னும் கொஞ்ச நேரம் அங்கு இருந்திருக்கலாமே என்று மனதில் தோன்றியதை 'ப்ளாக்கர்' மேல சத்தியமாய் சொல்லலாம்.என் மேல் தனி கவனம் எடுத்த ஆசிரியை திருமதி. பி. ரோஸம்மாள் அவர்களை நன்றி கூற கடமைப்பட்டுள்ளேன்.அதைவிட சந்தோஷம் இப்போது அவர்கள் எங்கள் பள்ளியின் தலைமைஆசிரியர்..தகுதியானவர்தான்.அனைவருக்கும் ஆசிரியர் தின வாழ்த்துக்கள்.

############################################################

                                                                              
நம் ஆல் டைம் ஃபேவரிட் ரயில்வே ஸ்டேஷன். மாறவில்லை அதே கடல்காற்று, இயற்கை ரம்மியம், மன நிம்மதியான இடம், நான் ஊரிலிருந்த ஒரு மாதத்தில் அதிகம் விஜயம் செய்தது இங்கேதான்.இன்னும் இங்கே மீட்டர்கேஜில் தான் ரயில்கள் போய்க்கொண்டிருக்கின்றன,பிராட்கேஜ்ஜா மாத்தச்சொல்லி கோரிக்கை, போராட்டம்.... ம்ஹீம் எதுக்கும் பலன் இல்லை..என்ன செய்யலாம் சொல்லுங்க..

############################################################

சாப்பிடும்போது, பைக் ஓட்டும்போது,குளிக்கும்போது இப்படி எப்பவெல்லாம் வேலையா இருப்போமோ அப்பவெல்லாம் மொபைல் ரிங் பதறியடிச்சுக்கிட்டு யார் போன் பண்றாங்க அப்படின்னு எடுத்தா மறுமுனையில ரஜினி 'நான் ஒரு தடவை சொன்னா' அப்படின்றாரு அவரு ஒரு தடவையோ இல்ல நூறு தடவையோ சொல்ற மாதிரி நான் எதுவுமே செய்யல, இதே மாதிரி, பாட்டு, ரிங்டோன், கவிதை, அட்வைஸ் அப்படின்னு லிஸ்ட் சொல்லிக்கிட்டே போகலாம்.. இந்த செல்போன் கம்பெனிக்காரங்க கொடுக்கிற லொள்ளு தாங்கல.. புறப்படும் சமயத்தில்தான் 'DO NOT DISTURB' அப்படிங்கிற ஆப்ஷன் இருக்கிறது தெரிஞ்சது.. தெரிஞ்சு..

############################################################

ஒரு அரசுடைமை வங்கியில் பணம் எடுக்கிறது சம்பாதிக்கறதை விட கஷ்டமாயிருக்கிறது.வழக்கம்போல் க்யூஉ உ உ உ உ உ உ உ நிற்க என்ன இவ்வளவு பெரிய க்யூ அப்படின்னு பார்த்தால் பணம்/எடுக்க/டெபாஸிட் பண்ண அப்படீன்னு இரண்டு கவுண்டர்கள் இருக்க ஒரு கவுண்டரில் ஆள் வராததால்(அதுவும் திங்கள்கிழமை வெளங்கிரும்) இன்னொன்றில் உள்ளவரே இரண்டு வேலையையும் கவனிக்க வேண்டியதாயிற்று.. இதற்கிடையில் கம்ப்யூட்டர் ஹேங்க் ஆயிருச்சு என்ற அறிவிப்பு வேற.இதில் கவனிக்க வேண்டிய விளம்பரம்.

'நீங்கள் ஏன் க்யூவில் நின்று காத்திருக்க வேண்டும் ஏடிஎம் கார்டு அப்ளை பண்ணி கார்டு வாங்கிக்கொள்ளுங்கள்'

ஏடிஎம் ஃபார்ம் குறைந்தது ஐந்து தடவை கேட்டிருப்பேன் இன்னும் நூறு தடவை கேட்டாலும் வர்ற ஒரே பதில் 'தீர்ந்திருச்சு சார் போய் மேனேஜர்ட்ட சொல்லுங்க'

மேனேஜரிடமும் அதே பதில்தான் வந்தது அப்படிங்கிறதை சொல்லித்தான் தெரியனுமா..

Photo Courtesy: Zakir Hussian

Post Comment