ஒரிஜினல் ஒரிஜினல்தான்..

'இதோ பார் வைஷீ நீ கட்டின புடவையோடு வந்தா போதும் நகை எதுவும் எடுக்க வேண்டாம் புரிஞ்சுதா'

'அய்யோ எத்தனை தடவை இதையே சொல்வீங்க'

'சரி சரி நான் க்ராஸ்கட் ரோட்ல இருக்கிற பஸ் ஸ்டாப்புல நிக்கிறேன் சீக்கிரம் வந்துடு'

'ம் இன்னும் அரைமணி நேரத்தில் அங்கே இருப்பேன்'

'சொன்னா போதாது செய்யனும்'

கோவையின் அதிகாலை குளிரிலும் தினேஷீக்கு வியர்த்துக் கொட்டியது.

நூற்றுக்கும் மேற்பட்ட எடையை சதையாய் கொண்ட மனிதர்கள் மெனக்கெட்டு ஓடிக்கொண்டிருந்தார்கள்... ஜாக்கிங்காம்..

பி.எஸ்.ஜியில் இரண்டாம் ஆண்டு கெமிஸ்ட்ரி படித்துக்கொண்டிருந்த தினேஷீக்கு படிப்பில் ஏறாத கெமிஸ்ட்ரி வைஷ்ணவியை பார்த்தவுடன் உடம்பில் தாறுமாறாய் ஏறியது.

அதற்குமேல் வழக்கமான காதல்,காதல்,இ- மெயில்,எக்ஸ்ட்ரா,எக்ஸ்ட்ரா..

ஹலோ சொல்லி சினேகமானது இன்னைக்கு இந்தளவுக்கு வந்து நிற்பது சத்தியமாய் காதல் என்ற கண்றாவியால்தான்..

"வைஷீ நாம நிஜமாகவே ஓடிப்போகப்போறதில்லை, உங்க வீட்டிற்கும் எங்க வீட்டிற்கும் நம்ம காதலை புரிய வைக்க இது ஒரு டிராமா அவ்ளோதான்.நம்மை அவர்கள் தேடனும், சாகப்போறேன்னு எழுதி வைச்சுட்டு வந்துடு' 

இரண்டு நாளைக்கு முன்பு அவளிடம் இவன் சொன்னது.

வைஷ்ணவி வைஷ்ணவி' அம்மா சகுந்தலா தொடர்ந்து குரல் கொடுக்க மவுனம் மட்டுமே திரும்பி வந்தது. மாடியின் மேலே சென்று பார்த்தாள் அங்கே அவள் எழுதி வைச்சிருந்த லெட்டரைப் படித்துவுடன் மனதில் பயங்கொள்ள கணவர் சபாபதிக்கு போனை போட்ட அதே நேரம்...

சபாபதி டிரைவிங் லைசென்ஸ் எடுக்க காரில் டெஸ்ட் எடுத்துக்கொண்டிருந்தார்.கார் ஓட்டிக்கொண்டிருக்கும்போதே மொபைல் ரிங் அடிக்க கட் பண்ணிணார்..மறுபடியும் விடாமல் ரிங் அடிக்கவே லவுட் ஸ்பீக்கரில் "என்னங்க வைஷீ ஓடிப்போய்ட்டாங்க" சொன்ன மறு நிமிடம் எதிர் திசையில் வந்தவரின் மீது மோதிய வேகத்தில் அவர் தூக்கியெறியப்பட்டு அந்த இடத்திலேயே உயிர் பிரிந்தது..

'யோவ் ஏட்டு அந்த செத்தவரு பாக்கெட்'ல ஏதும் அட்ரஸ் இருக்கான்னு பாரு'

 

'

இருபது ரூபாய் தாள் இரண்டோடு இடுப்பில் இருந்த ரேஷன் கார்டில் மூணாவது மகன் பெயர் தினேஷ் என்றிருந்தது.....

Post Comment

பதறாத காரியம்..

(பட உதவி: கூகிள்)

'அம்மா நாம போற வழியில என் கொலுச கொடுத்துட்டு வேற மாத்திரலாமா'

'அதுக்கெல்லாம் நேரம் கிடைக்குமான்னு யோசிச்சுப்பாரு பேங்க்ல எவ்வளவு கூட்டமோ அதெல்லாம் முடியாது இன்னொரு நாளைக்குப் பார்த்துக்கலாம்'

'ஏம்மா புலம்புற அதெல்லாம் சீக்கிரம் பேங்க் வேலையை முடிச்சிட்டு கொலுசு கடைக்கு போயிறலாம்'

'அதெல்லாம் வேண்டாம் சொன்னாக் கேளு உனக்காக நாளைக்கு வேணாப் போய்க்கலாம்'

 'அப்ப கண்டிப்பா நீ நாளைக்கு வரனும்மா'

 ' சரி சரி நீ கெளம்புற வேலையைப் பாரு உன் அப்பா இன்னிக்கே எடுக்க சொல்லியிருக்காரு'

 'இதோ ரெண்டு நிமிஷத்துலேயே வந்துடுறேன்' ரெண்டு நிமிஷம் ஐந்து நிமிஷமானது.

 வெளிநாட்டிலிருக்கிற அப்பா செல்வராஜ் அனுப்பிய பணத்தை எடுக்க சுந்தரியும்,    வெண்ணிலாவும் கிளம்பினார்கள்.

 'அம்மா ஆட்டோ பிடிக்கலாம்மா எனக்கு ரொம்ப தூரம் நடக்க முடியாது'

  'சரி புலம்பாதே அந்த பஸ் ஸ்டாப்புல போய் ஆட்டோவ பிடிக்கலாம் வா'

 கொஞ்ச தூரத்திலிருந்த பஸ் ஸ்டாப்பை நோக்கி நடந்து அதை அடைந்தார்கள்.

ஆட்டோக்காரரிடம் பேரம் பேசவும்,ஆட்டோ பேங்கை அடையவும் இருபது நிமிடங்கள் கழன்டு ஓடியிருந்தன.

சொல்லி வைத்ததற்கேற்ப பேங்கில் மாநாடு போல் இருந்தது கூட்டம்.

ஆட்டோவிற்கு பணத்தைக் கொடுத்துவிட்டு உள்ளே போன அதே நேரம்.....

வெண்ணிலா கொலுசைப் போட்டுக் கொண்டு வந்த ஆயிஷா டெக்ஸ்டைல் துணிப்பையும்,

சுந்தரி செக், பாங்க் பாஸ்புக் போட்டு வைத்திருந்த அதே மாதிரியான ஆயிஷா டெக்ஸ்டைல் 

துணிப்பையும் இடம்மாறி செக் உள்ள பை அலமாரிக்கு பக்கத்திலுள்ள ஆணியில் 

ரொம்ப 'பத்திரமாய்' தொங்கிக் கொண்டிருந்தது...

Post Comment

ஷார்ட் ஸ்டோரி

தேர்வு

தென்றல் அட்வர்டைசிங் கம்பெனி.

“சுந்தரம் எத்தனை பேர் இன்டர்வியூக்கு வந்திருக்காங்க"

“பதினாலு பேர் சார்"

“ஒகே ஒவ்வொரு ஆளா வரச்சொல்லு”

இன்டர்வியூ முடிந்து அதில் கணேஷ் மட்டும் தேர்வு பெற்றதாக அறிவித்து அவனுக்கு அப்பாயின்மென்ட் லெட்டரை கொடுத்தார் எம்.டி. ராஜன்.

சுந்தரம் கேட்டார்.

"வந்திருந்த எல்லோரையும்விட “எக்ஸ்ப்ரீயன்ஸ்" குறைவான கணேஷை மட்டும் ஏன் தேர்தெடுத்திங்க சார்?"

“சுந்தரம் நாம நடத்துறது அட்வர்டைசிங் கம்பெனி, வந்திருந்த எல்லோரும் மவுன்ட் ரோட்ல வச்சா நல்லாருக்கும்,பீச்சுல வச்சா நல்லாயிருக்கும்னு அரைச்ச மாவையே திரும்ப அரைச்சாங்க,ஆனா கணேஷ் மட்டும்" இப்ப இருக்கிற பரபரப்பான வாழ்க்கையில பெத்த புள்ளகிட்டகூட பேச நேரமில்லாம போய்டுது,ஆனா ஒரு மனிதன் நிம்மதியா,அவசரமில்லாம போற ஒரே இடம் கழிப்பறைதான்,எந்த ஒரு டென்ஷன் இல்லாம இருக்கிற இடத்தில் நம் விளம்பரத்தை வைத்தால் நன்றாக மனதில் பதியும் சார் என்றான். இப்ப உள்ள சூழ்நிலையில அனுபவத்தைவிட புதுமைதான் நமக்கு முக்கியம், அதனால்தான் அவனை தேர்தெடுத்தேன்.

குறிப்பு:(கதை எழுத ஆசை,முயற்சித்து கிறுக்கியது)

Post Comment