கண்ணீர்.....

சுந்தரம் படுக்கையில் இருந்தபடி கேட்டார்.

"மங்களம் எத்தினாம்தேதி டாக்டர் வரச்சொன்னாரு"

"பதினெட்டாம் தேதிங்க,பணத்துக்கு என்னங்க பண்ணப்போறிங்க?

"எங்க முதலாளிக்கிட்ட கேட்கலாம்னு யோசிச்சிக்கிட்டு இருக்கேன்" சொன்னபடியே கம்பெனிக்கு போனார்.

முதலாளி மீட்டிங்கில் இருந்ததாகக் கூறி அவரை காண அனுமதி மறுத்தான் பி.ஏ. 

எவ்வளவோ கெஞ்சியும் அனுமதிக்கவில்லை. அடுத்த நாள் போய் பார்த்தார்.

"உனக்கு மாசா மாசம் சம்பளம், பண்டிகைன்னா போனஸ் எல்லாம் தந்தேனே,மறுபடி எதுக்கு பணம் கேட்கிறே? என்றான் முதலாளி சங்கர். 

"முதலாளி என் மனைவிக்கு இதயத்துல இருக்கிற ஒட்டையை அடைக்கனும்னு டாக்டர் சொல்லிட்டாரு, அதுக்கு மூணு லட்சம் செலவாகுன்னும் சொல்லிட்டாரு, 

பணம் தந்தீங்கன்னா எப்படியாவது உழைத்து உங்க கடனை அடைத்துவிடுகிறேன்" 

"இல்ல இப்ப கம்பெனி இருக்கிற நிலையில நீ கேட்கிற பணத்தையெல்லாம் தரமுடியாது" விரட்டாத குறையாக கூறினான் முதலாளி சங்கர்.. 

மாடாய் உழைத்தும் தனக்குதவாத கம்பெனியின் வாசற்படியை கண்ணீரோடு கடந்து வெளியேறினார் சுந்தரம்.

 சங்கரின் தொலைபேசி அலறியது. 

எடுத்தால் மறுமுனையில் கேஷியர் 

" சார் நம்ம காண்ட்ராக்டர்களுக்கு ஷெராட்டான்'ல வெச்ச பஃபே பார்ட்டிக்கு பில்லு வந்திருக்கு சார்"

  "எவ்வளவு?"

 "மூணு லட்சம்"

  "செட்டில் பண்ணிடு.......

Post Comment