நான் எழுதிய ஒரு பக்க கதை இந்த வார குங்குமத்தில் 45 ம் பக்கத்தில் வெளியாகி உள்ளது மகிழ்ச்சி. என் பதிவுகளை படித்து தொடர்ந்து ஊக்கம் கொடுத்துவரும் அனைவருக்கும் என் கதையை பிரசுரித்த குங்குமம் இதழுக்கும் என் நன்றிகள்...
***********************************************************************
சூப்பர் சிங்கர் ஜீனியர் பட்டத்தை வென்ற அல்கா அஜித்தின் குரல் ஒரு தேர்ந்த பாடகியைப் போல் உள்ளது. Outstanding. நிறைய தடவை அல்காவிற்கு ஓட்டுப் போட்டிருக்கிறேன்.அதுக்காக அப்பெண் வாங்கிய பரிசினை பங்குகொள்ளமாட்டேன் என்பதை நினைவில் கொள்க(கேட்டாலும் கிடைக்காது)..அடுத்து எனக்கு ரொம்ப பிடித்தது நித்ய ஸ்ரீ(யப்பா ஸ்ரீ என்கிற வார்த்தையை எப்படி டைப் பண்றதுன்னே தெரியல இதுக்கே ரெண்டு பாட்டில் மிரண்டா குடிக்கவேண்டியதாப்போச்சி)இந்த சிறுமி ஆடிக் கொண்டேப் பாடுவதில் திறமை வாய்ந்தவள்.."துள்ளுவதோ இளமை தேடுவதோ தனிமை" என்ற பாடலை அவள் ஆடிக்கொண்டே பாடுவது தனி அழகு. அப்புறம் ரோஷன் இந்தப் பையனுக்கு வாய்ஸ் ரொம்ப நைஸ். "மழையே மழையே" என்ற பாடலை இவன் பாடியபோது மனதை ஒரு வழி பண்ணிவிட்டது. அதற்கடுத்து ஸ்ரீகாந்த்(மறுபடியும் ஸ்ரீ!!) இந்த வாண்டு அடேயப்பா அலும்பு தாங்கல கலக்கிவிட்டான்.. ரொம்ப ரசித்த நிகழ்ச்சி இது.. அல்கா அஜித்திற்கும் மற்ற ஜீனியர்களுக்கும் வாழ்த்துக்கள்..
டிஸ்கி: இதன் மூலம் அறியப்படும் நீதி "அஜித்" என்றாலே வெற்றிதான்...
***********************************************************************
திரும்பவும் லைம்லைட்டுக்கு வந்திருக்கிறார் ரஞ்சி.. நித்தியுடன் ஏற்பட்ட 'அறைரகசியம்'? எல்லோர் வீட்டிலும்?! சில்வர் ஜீப்ளியாய் ஓடிக்கொண்டிருக்க இந்தம்மா ஏதோ புத்தகம் எழுதப்போகுதாம்..அதையாவது கேமரா கண்ணுல படாம எழுதுங்க.. ஆஹா எதிர்க்கட்சிக்கு ஆள் கிடைச்சாச்சு.. விடு ஜீட்...
***********************************************************************
மறுபடியும் பெட்ரோல் விலையை ஏத்திவிட்டார்கள்.. ஐம்பதை தாண்டி அறுபதையும் தொட்டுவிட்ட்து ஒரு லிட்டரின் விலை.கூடிய விரைவில் நூறைத்தொட?! எதிர்ப்பார்க்கப்படுகிறது.இந்த துன்பத்திலும் இன்பம் என்னான்னா பெட்ரோல்,டீசல் விலை ஏறினாலும் பேருந்து கட்டணம் உயராது என்று கலைஞர் அறிவித்தது.
எனக்கு பிடித்த பிரேசில் சிலியை அடித்து நொறுக்கி காலிறுதிக்கு முன்னேறிவிட்டது. இதில் நான் ரொம்பவும் எதிர்ப்பார்க்கிற நாடு கானா. ஆப்பிரிக்காவில் உள்ள சின்ன நாடு, பொருளாதாரத்தில் சொல்ற மாதிரி இல்லை,ஆனால் அந்நாட்டு வீரர்களின் விளையாட்டு சொல்ற மாதிரி இருக்கு..
**********************************************
இந்த வார டிப்ஸ்
குளித்தவுடன் பட்ஸ் யூஸ் பண்றவரா நீங்கள், கூடிய விரைவில் ஒரு வாரம் காது வலி வரலாம்.. பட்டவன் சொல்கிறேன்.. குளித்தவுடன் பட்ஸ்' யூஸ் பண்ணவேகூடாதுன்னு எனக்கு பார்த்த டாக்டர் சொன்னார்.இன்னொன்று மார்கெட்டில் கிடைக்கும் மலிவு விலை பட்ஸை வாங்குகிறப்படசத்தில்,குளித்தவுடன் அந்த பட்ஸை யூஸ் பண்றபொழுது அதன் ஓரத்தில் இருக்கிற பஞ்சு உங்க பிஞ்சு? காதுக்குள்ள போகவும் வாய்ப்பிருக்காம்..அப்புறம் கடப்பாரையை விட்டு நோன்டினாலும் கிடைக்காது....
வர்ட்டா .....




